Sentensia Diktá Kontra e Rebeldenan

Den presensia di e habitantenan di shelu i tera ku a bini huntu, koronashon di e Yu di Dios ta tuma lugá. I awor, rekonosé di tin e mahestat i poder supremo, e Rei di reinan ta dikta sentensia riba e rebeldenan ku a violá Su lei i a oprimí Su pueblo. “E ora ei mi a mira un trono grandi blanku i Esun ku tabata sintá riba dje. Tera i shelu a hui p'E i no a bolbe mira nan mas. Mi a mira e mortonan, grandi i chikitu, pará dilanri di e trono. A habri e bukinan. A habri un otro buki mas, e buki di bida. A huzga e mortonan segun nan echonan, manera nan tabata deskribí den e bukinan.” (Revelashon 20:11,12).GS 92.3

Segun e wowo di Hesus pasa riba e malbadonan, nan ta bira konsiente di kada piká ku nan a yega di kometé. Nan ta mira kaminda nan pia a desviá for di e kaminda di santidat. E tentashonnan seduktivo ku nan tabata kurashá dor di un bida di piká, e mensaheronan di Dios ku nan a despresiá, spièrtamentunan rechasá, e olanan di miserikòrdia ku nan kurason tèrko i sin duele a dal manda bèk - tur esakinan ta paresé manera skirbí ku lèter di kandela.GS 92.4

Riba e trono nan ta mira e krus. Manera un bista panorámiko nan ta mira e esenanan di kaida di Adam i e pasonan ku a sigui despues den e plan di salbashon. Nasementu humilde di nos Salbador; Su bida di simplesa; Su boudsmo den Jordan; Su ayuno i tentashon den desierto; Su ministerio tresiendo e bendishonnan di shelu na humanidat; e dianan yen di aktonan di miserikòrdia; e anochinan di orashon den serunan; konspirashonnan di envidia i falsedat ku tabata pago pa Su méritonan; e agonia misterioso na Getsémam bou di peso di e pikánan di mundu; traishon di e multitut asesino; e eventonan di e anochi di horor ei— e prizonero mansu, bandoná pa Su disipelnan, hibá diland den palasio di e sumo saserdote, den korte di husdsia di Pilato, diland di un Herodes kobarde, bofoná, insultá, torturá i kondená na morto - tur e eventonan akí tabata bibu portretá.GS 93.1

Antó awor e muldtut ta mira e esenanan final. E Sufridó ku pasenshi, subiendo riba e kaminda pa Kalvario; Prens di shelu kologá na krus; saserdote- i rabinan ridikulisando Su agonia; e skuridat sobrenatural markando e momento ku Redentor di mundu a entregá Su bida.GS 93.2

E espektakulo horibel a paresé manera el a sosodé. Satanas i su supditonan no tin forsa pa bira lomba pa e imágen. Kada aktor ta kòrda e parti ku el a hunga. Herodes, ku a mata e yunan inosente di Bètlehèm; Herodias e mal muhé, kulpabel di sanger di Huan Bourista; Pilato, e politiko débil i oportunista; e sòldánan bofonadó, e muldtut furioso ku a grita “Laga su sanger baha riba nos i nos yunan!” - tur ta purba skonde pa e dignidat divino di Su kara, miéntras e redimínan ta tira nan korona na pia di nan Salbador, sklamando “El a muri pa mi.”GS 93.3

Ata Nero ei, e mònster di krueldat i bisio, mirando e eksaltashon di esnan ku e tabatin goso satániko den nan agonia di morto. Su mama ta presensiá su propio trabou, kon e pashonnan ku su influensia i ehèmpel a kurashá, a karga fruta den krímen ku a pone mundu tembla.GS 93.4

Tin saserdote katóliko i ofisialnan ku ta pretendé di ta embahadornan di Kristu, sinembargo nan a usa banki di tortura, kashòt i monton di palu pa kima hende ariba, pa kontrolá Dios su pueblo. Ei tin pondfisenan orguyoso ku a eksaltá nan mes riba Dios i a riska kambia Lei di Altisímo. Esnan ku a pretendé di ta tata mester duna kuenta na Dios. Demasiado lat a laga nan mira ku esun Omnisiente ta eksigente ku Su lei. Nan ta siña awor ku Kristu ta identifiká Su interesnan ku Su pueblo ku ta sufri.GS 94.1

Henter e mundu malbado ta akusá di traishon pisá kontra e gobièrnu di shelu. Nan no tin niun hende pa defendé nan kousa; nan ta sin pordon, i Dios ta dikta sentensia di morto eterno riba nan.GS 94.2

E malbadonan ta mira kiko nan a pèrdè dor di nan rebelion. “Tur esaki,” e almanan pèrdí ta grita, “mi por tabatin. Dikon mi tabata asina siegu? Mi a kambia pas, felisidat i honor pa miseria, infamia i desesperashon.” Tur ta mira ku Dios a aktua na un manera hustu ora El a benta nan for di shelu. Pa nan bida nan a deklará: “Nos no ke pa e bira nos rei.” (mira Lukas 19:14).GS 94.3