Dos Destino

“Pago di piká ta morio, pero e regalo ku Dios ta duna ta bida eterna, ku nos por hafia den nos Senor Kristu-Hesus” (Romanonan 6:23). Bida ta herensia di esnan hustu, i morto ta destino di esnan malbado. Beibel ta pone “e di dos morto” den kontraste ku bida eterno (mira Revelashon 20:14).GS 37.1

Komo konsekuensia di Adam su piká, morto a pasa pa henter e rasa humano. Tur ta baha den graf. I pa medio di e plan di salbashon, tur lo ser lantá for di nan grafnan: “Lo tin un resurekshon for di morto, pa tantu bon hende komo mal hende,” “meskos ku tur hende mester muri pa motibu di nan relashon ku Adam, asina tur hende lo lanta for di morto pa motibu di nan union ku Kristu” (Echonan 24:15; 1 Korintionan 15:22). Pero Beibel ta hasi un distinshon entre e dos kategorianan di hende resusitá. “Tur ku ta morto den graf lo skucha su stèm i nan lo sali. Esnan ku a hasi bon, lo lanta for di morto i haña bida eterno, ma esnan ku a hasi maldat lo lanta for di morto pa risibi kondenashon” (Huan 5:28,29).GS 37.2