E Akto di Koronamentu

Komo e akto pa koroná obra den e drama grandi di engaño, satanas mes lo paresé komo sifuera e ta Kristu. Pa hopi tempu Iglesia a warda binimentu di e Salbador komo kumplimentu di su speransa. Awor e gran mentiroso lo laga parse manera ta Kristu a bin. Satanas lo presentá komo un ser mahestuoso ku un splendor deslumbrante, ku ta parse deskripshon di e Yu di Dios den e buki di Revelashon (Revelashon 1:13-15).GS 78.1

E gloria ku ta rondon'é ta surpasá tur loke wowonan mortal a yega di mira. E gritu di triunfo ta resoná, “Kristu a yega!” Hendenan ta hinka rudia Su dilanti. E ta halsa Su mannan i bendishoná nan. Su stèm ta suave, tòg yen di melodia. Den tononan sentimental e ta presentá algun di e bèrdatnan di shelu ku nos Salbador mes a splika. E ora ei e ta kura malesa, den e figura di Kristu ku el a asumí, e ta hasi anunsio di a kambia Sabat pa djadumingu. E ta deklará ku esnan ku ta honra e di shete dia santu, ta mustra despresio p'E. Esaki ta e mentira pisá, kasi dominante. Multitutnan grandi tabata dun'é atenshon bisando, esaki ta “un manifestashon di e gran poder di Dios” (Echonan 8:10).GS 78.2