Apelashon di Satanas riba Intelektualnan

Na personanan kulto i sivilisá e prens di skuridat ta presentá e aspektonan di mas refmá i intelektual ku tin di spiritualismo. E ta deleitá nan imaginashon ku esenanan koutivante i imágennan elokuente di amor i karidat. E ta influensiá hende pa sinti asina tantu orguyo di nan propio sabiduria, ku den nan kurason nan ta despresiá Esun Eterno.GS 42.3

Satanas ta gaña hende awor aki meskos ku el a gaña Eva den Eden, dor di lanta nan ambishon pa eksaltá nan mes. “Boso lo ta meskos ku Dios,” el a deklará, “boso lo sa kiko ta bon i kiko ta malu” (Génesis 3:5). Spiritualismo ta siña ku “un ser humano ta un kriatura di progreso ... rumbo pa Deidat.” E ta pretendé: “Huisio lo ta korekto, pasobra ta huisio di e ami .... E trono ta den bo.” I un otro ta deklará: “kualke ser hustu i perfekto ta Kristu.”GS 42.4

Asina satanas a kambia hende su propio naturalesa pekaminoso pa Lei di Dios komo e úniko regia di huisio. Esaki ta un progreso ku no ta bai ariba, sino abou. Hende nunka lo subi mas haltu ku nan norma di puresa òf bondat. Si e ami ta nan ideal mas haltu, nunka lo nan alkansá nada mas haltu. Solamente e grasia di Dios tin poder pa eksaltá. Si laga nan pa nan kuenta nan kaminda lo kita bai abou.GS 43.1