Kondenashon di piká

E promé stap den rekonsiliashon ku Dios ta kondenashon di piká. “piká ta rebeldia kontra Dios.” (1 Huan 3:4). “Lei ta sirbi pa hasi nos konsiente ku nos ta pekador” (Romanonan 3:20). Pa e por mira su kulpa, un pekadó mester tèst su naturalesa segun Lei di Dios — un spil ku ta mustra kon un naturalesa hustu i perfekto mester ta i ta dun'é chèns di rekonosè e defektonan den esun di dje.GS 50.5

Lei ta mustra nos nos piká, pero e no ta duna un medio di yudansa. E ta deklará ku morto ta rekompensa di e violadó di lei. Unikamente e evangelio di Kristu por libra nos di kondenashon òf di mancha di piká. Nos mester mustra arepentimentu pa ku Dios, kende Su lei nos a kibra, i fe den Kristu, nos sakrifisio ekspiatorio. Asina ku nos ta optené pordon pa “nos pikánan di ántes” (Romanonan 3:25), i bira un yu di Dios.GS 51.1