Egesieri gia ikomi na Gatano - Omochakano Omoyia

Okwegera kw’ogwancha Abaibori —Yeso akamagamaga ase omoganda oria ochete korora buna agoitwa, na inse y’omosalaba akarora Yohana kamosirete maria, ng’ina Kristo. Konye oiranire ase amabe aria They arenge gokoreka. Tanyareti koba aare n’Omwana oye. Okwegera kw’omoerio kwa Yeso nigo kwarenge igoro y’ogwancha abaibori. Akarigereria ng’ina orenge n’obororo obonge, naende akarigereria Yohana. Akarigereria ng’ina naende na agateba, “Omong’ina, rora omwana oo!”OB 154.1

N’omworokigwa, “Rora nyoko!” Yohana 19:26, 27.OB 154.2

Yohana akamanya ninki Yeso aminetie na keria amoganetie akore. Erio korwa ensa eria omworokigwa oria akamoira bwoye akamorenda buna omwana oye. Omobwekano omoikeranu bw’obwanchani bwa Kristo nigo okomesa korwa kare. Ekero aremereretie emechando emenene, tamwebeti ng’ina, korende akarora buna nanyore oborendi ase amatuko akobwati.OB 154.3

Ekerenga gia Kristo ase ense bono gegaikerana. Oromeme rwaye rokaoma, akabora, “Ninde nerang’o!”OB 154.4

Bakabeka esifunchi eichire chinkama igoro ase egetonto, bakamobekera monwa; ekero achi koigwa n’echinkama akaanga. Bono Omonene bw’obogima n’obonene ngokwa arenge, eng’eria y’ekeminano.OB 154.5

N’ebibe biagerete egekombe kiaye kebe ekeroro ase eng’encho endamwamu ya Nyasae ekamogwera ribaga riaito.OB 154.6

Kristo akaimokia ebibe bia mwanyabanto. Akabarwa buna omonyabibe erinde ababoorie abanyabibe korwa ase ekeragererio ki’erichiko. Okomocha kw’egesaku kia Adamu ase ebigori bionsi nigo kwarenge gosuguma enkoro yaye. Endamwamu ya Nyasae na okogechigwa kwaye ase engencho y’ebibe egaichoria enkoro y’Omwana oye. Ogotaba amo nere gwa Ise ase ense eywo gogasamba enkoro yaye n’obororo mwanyabanto atanyare komonya. Kera omochando Omwana o Nyasae aremereretie ase omosalaba, amanyinga arwete ase omotwe oye, amaboko n’amagoro aye, obororo aigwete ase omobere oye, n’obororo bwaichorete enkoro yaye ekero Ise atarenge amo nere, nigo bogototebia buna, nobwanchani ase eng’encho yao bwagere abogorie amabe aywo onsi. Ase eng’encho yao, nigo agoetera amakweri na koigora ebiita bia Paradiso na obogima botari gokwa. Ere okanyete emerindo goetera ase ring’ana riaye na gotara amache igoro, ogerete ebirecha biiguswe na amarwaire aguse goetera ogokuna, obogetie abakure na koigora amaiso y’abatare korora, nigo akwerwa ase omosalaba buna ekeng’wanso ki’omoerio kia abanyabibe. Ere, oyo okoimokia ebibe, nigo akoremereria egesusuro kie ebibe na oba ebibe ebinyene ribaga riaito.OB 155.1

Saitani akamita enkoro ya Yeso n’amatemwa aye amanene.OB 155.2

Ebibe, ebiaangete bikamoichorera mpaka agakema ase eng’encho y’oborito bwaye. Naki kiagerete obomwanyabanto bwaye bokaiguswa ase ense eria y’obwoba. Abamalaika bakaba birori n’omoichana omonge obororo bw’Omwana o Nyasae, bwaetanetie obororo bwaye bw’omobere atare koigwa abwo nyuma.OB 155.3

Omoganda oigoro bakabisa amasio abo korwa ase amang’ana aria y’okogosa. Ebinto bitari moyo bikamororera amabera Omochaki obo. Omobaso okaanga korora amabe aya onsi. Chinsase chiaye nigo chiamoregete ense mobaso, ekero mobasokano orimete. Egesunte gegatuba omosalaba nechinsemo chionsi chianyoetanaine buna eanga y’amatanga. Egesunte gekaba chinsa isato. Chinsa kianda omosunte okaru ase abanto, korende okagenderera komotuba omobooria. Chinkoba chikamomesera ekero asungire aria ase omosalaba. “Yeso akarera ase eriogi rinene, “Eloi, Eloi, lama sabakitani?’OB 155.4

ogoonchora kwaye, ‘Nyasae one, Nyasae one, naki gwantigire?’ ” Mariko 15:34.OB 156.1

Yaerire — Abanto bakarigereria aya onsi kibakirete. Naende omogaso okobara, korende omosalaba ogatigara gotubire n’egesunte. Ake ake omosunte okarwa ase omosalaba, na ase eriogi rinene riarenge koigwekana ase atambe, Yeso akabora, ” Yaerire!” “Tata ase amaboko ao nabekire omoika one.” Luka 23:46. Oborabu bogaetanana omosalaba, n’obosio bw’Omobooria bokamesa n’obonene buna obwo omogaso. Agatureka omotwe oye agatwekamo.OB 156.2

Ekero Kristo akwete, abakuani mbarenge hekalu ime bagokora emeremo yabo magega y’egetambaa giatubete aase achenu korwa aase achenu mono. Mobasokano bakaigwa omotengecho n’egetambaa kia hekalu gegatandoka ara kabere korwa igoro baka inse goetera okoboko koria gotari manyinga kwarigete amang’ana y’ogosira ase enyasi ya Belshazar.OB 156.3

Yeso tarweti bogima bwaye baka agakora emeremo achete gokora, korwa abwo agateba, “Yaerire!” Abamalaika bakagoka koigwa amang’ana aywo, ekiagera omoroberio omonene bw’okoboria ngokoreka orange n’omobui obonene. Omogoko okaba igoro buna bono, goetera okoigwera, abana ba Adamu mbaimogetigwe goika bosio bwa Nyasae. Saitani akabuu.Akamanya buna oboruoti bwaye bwasirire.OB 156.4

Ogotindekwa — Yohana agasinyu ninki agokorera omobere bw’Omonene oye. Akairoka omobere oria okunwe n’abasigari baria abatindi na kobekwa ase oboina obotwambu. Akamanya buna buna takonyora gokonya korwa ase abanene baria b’Abayahudi, naende tabwate gosemeria buna Pilato tarenge gocha gokora kende. Korende Yusufu na Nikodemo bageesokia ase ensa eye. Bonsi mbarenge abakori emeremo b’ekegambero na mbamanyaine na Pilato. Bonsi mbasikire naende mbenyarete. Bakabanga buna omobere o Yeso otindeku na amasikani. Yusufu akamochiera Pilato Atari na bwoba na komosaba omobere o Yeso atindeke. Pilato akaru richiko buna omobere o Yeso oegwe Yusufu. Ekero omoorokigwa Yohana achandegete na goichana igoro y’omobere bw’Omonene oye omwanchwa, Yusufu bw’Arimathaya akairana korwa bw’omogavana, na Nikodemo kaganyete amachibu y’enkwana ya Yusufu na Pilato akarenta ebinto bisang’anirie manemane na udi, oborito bwaye chiratili rigana erimo. Omonto osikire mono Yerusalemu tarenge gocha koorokigwa masikani abuete aya.OB 156.5

Ase enchera enyororo, gotumia amaboko abo bakayorusia omobere o Yeso korwa ase omosalaba, amariga agoiteka ekero baroche buna omobere oye osariri. Bakamosibi na korusia amanyinga. Yusufu nabwate oboina obonyia boroseirie amagena, obwo egacherete. Nigo bwarenge ang’e na Kalvari. Bono akamoroseria Yeso oboina obo. Omobere oria, amo n’ebinto biria Nikodemo arentete, ogasibwa ase egetambaa, n’aboorokigwa baria batato bakabogoria omobere o Yeso bakanyoira ase oboina boria, ase onde konya atarabekwa. Abwo bakarambora amagoro aria aringagete na koringa amaboko aria aumiete ase egekuba keria geterenge koeyana. Abakungu ba Galili bagasuka ang’e, korora buna kera egento kiabwenerete gokorerwa omobere oria bw’Omworokia obo omwanchwa giakoriru. Bakarora rigena riria ririto riabekiru ase egesieri ki’oboina boria, n’omwana o Nyasae otigiru atimoke. Abakungu baria bakaba aboomoerio ase omosalaba, n’aboomoerio ase oboina bwa Kristo.OB 157.1

Nonye abanene baria b’Abayahudi konyora bakorire omoroberio obo bw’ekenyachieni gosiria obogima bw’Omwana o Nyasae, mbaisanegetie, nonye n’endamwamu yabo gochia ase Kristo okwete tesiretie. Kibaburukanetie omogoko bw’ogoakania egesiomba, bagatwara omoondoko buna omobere oye okwete, obekire ase oboina bwa Yusufu, nkobokore. Aseigo “abakuani abanene na Abafarisai bagasangerekana ase pilato, bakabora ‘Omonene twainyoire buna omonyaborimo oria natebete ekero arenge moyo: Nyuma ase amatuko atato nimboke. Gaki chika oboina borendu buya goika rituko ria gatato aboorokigwa baye tibabaisa gocha komoiba, batebie abanto ng’a obokire korwa ase abak; okong’aina kw’omoerio nakobue koria kweritang’ani.’ ” Matayo 27:62-64.OB 158.1

Pilato, buna Abayahudi bande tatagete Yeso aboke n’okobua abae egesusuro baria bamoitete, aseigo akabeka akaru abarendi goetera ogochika kw’abakuani.OB 158.2

Abayahudi bakarora obuya bw’oborendi bonga buna obwo ase embera ya Yeso. Bakabeka ekemanyererio ase rigena riria riasiegete embera erinde ndikunukeene getamanyiri, kibarendete mono aboorokigwa tibakora borimo bonde ase omobere o Yeso.OB 158.3

Korende emeroberio n’okorenda kwabo bikagera obobui bw’okobokigwa kwa Yeso boikerane na ekeene kiaye kemanyekane.OB 158.4

Engaki egaika ekero Yeso arenge koimokia obomwanyabanto, aekeie buna mwanyabanto, naende aetere amatemwa a Saitani.OB 158.5

Taiboretwe ase obogima bwobotachiri bwense eye. Nigo aiboretwe ase orotuba.Korende okoiborwa kwaye gogasikwa kobua okwa mwanyabanto onde bwensi. Amalaika korwa igoro bakamanyia abarisi beching’ondi ogocha kwa Yeso, na oborabu nobonene korwa ase Nyasae bokabwatekana noborori bwabo. Omoganda oigoro bagatogia Nyasae. Ase obobui obonene bakagokera ogocha kw’omwana o Nyasa ease ense konyora yagure goikerania omoroberio bw’ogotoreka, na korenta omorembe, omogoko, n’obogima bwa kare na kare ase mwanyabanto goetera ase ogokwa kwaye. Nyasae agasika ogocha kw’omwanoye. abamalaika bakamosasima.OB 158.6

Okobatisu kwa Yeso —Emiaka emerongo etato yare kobwatia, abamalaika ba Nyasae bakairuruka aase are kobatisu. Omoika omochenu ogaika buna riruma igoro asare, na ekero abanto batenenete kibakumetie, kibamosonchete, bakaigwa eriogi ria Tata korwa igoro rigoteba, “Aye naye omwana one omwanchwa, ngokirie naye.” Mariko 1:11.OB 159.1

Yohana taegenete buna nomoboria ochete kobatisu ase Oroche rwa Yoraodan. Korende Nyasae konye omoriereire eira buna namoorokie ekemenyererio keramokore amanye emanwa ya Nyasae. Yohana akarora ekemanyererio keria ekero riruma korwa igoro riatenenete ase Yeso na obonenebwa Nyasae bokamesa asare. Yohana akarambora okoboko kwaye, okomoraga Yeso, na ase eriogi rinene akabora,OB 159.2

“Rora emanwa y’Eng’ondi ya nyasae, oyokorusia ebibe bi’ense!” Yohana 1:29.OB 159.3

Enchili ya Yohana — Yohana akabamanyia aboorokigwa baye buna Yeso nere Masii oria oanyire, Omoboria bw’ense.OB 159.4

Ekero emeremo ya Yohana yarenge koera, akabaegeria aboorokigwa baye komorigererie Yeso na komobwatia buna Omworokia Omonene. Obogima bwa Yohana nigo bwabwate emechando emenge na obw’okwerina okonge. Agatangasa ogocha ogotang’ani gwa Kristo korende tairi ribaga riokorora ebikone biaye na kogokera chinguru echio Kristo aorogetie. Ekero Yeso ebegete buna omworokia, Yohana akamanya ere omonyene nakwe. Eriogi riaye ndiaigwekanete raisi, gotatiga ase eroro. Obogima bwaye nigo bwaichire okobera ere bweka. Taomereretie efamili ya ise, kogokera eamate, korende akabatiga ase eng’encho yogoikerania ekerenga kiaye. Emeganda yabanto ekarwa ase emechi emenene nebichichi, bagaichora ase eroro koigwa amang’ana yomobani oywo bw’ogokumia. Yohana agasoa ase enkoro yemechando yabanto. Agatogonyera ekebe Atari kwoboa amatokeo, na akayeroseria emanwa ya Nyasae enchera.OB 159.5

Herode agakunwa ekero ategererete oborori bw’ okobua okonene nokoraga bwa Yohana, na ase okong’uswa okonene akaboria ninki arakore koba omworokigwa o Yohana. Yohana namanyete buna Herode natagete konywoma mokaa momura omwabo oyo orange moyo, na akamotebia Herode ekeene buna mamincha nerichiko.OB 160.1

Herode tatagete kwerwa ase ncherende yonsi. Akanywoma mokaa momura omwabo, na goetera amang’ana yomokungu oywo, akamobwata Yohana nakomosiba ase echera, karengereretie komosibora. Ekero Yohana asiekeire abwo, goetera ase aboorokigwa baye akaigwa ebikoru ebinene bia Yeso. Tare konyara kogenda gotegerera mang’ana aywe y’obonene, korende aborokigwa bakamomanyia na komoremia ase ayu baigwete. Egeka egeke Yohana akabutorwa omotwe, goetera ase amang’ana amokaa Herode. Omworokigwa omoke mono oyo obwatetie Yeso, akarora ebikone biaye na akaigwa abang’ana yokoremia ayakwanete, nabanene barenge kobua Yohana Omobatisi (Rora Matayo 11:11); eng’encho yaye, nigo baimokeretigweigoro mono naende mbabwate omogoko ase amagima abo.OB 160.2