MŨRANGO WA MBERE - ŨREMI MŨNENE

*****

HĨNDĨ ĩrĩa Jesu aaguũrĩirie arutwo ake ũhoro wa mũtino urĩa. ũgakora Jerusalemu o na maũndũ marĩa makoneka ma hĩndĩ ya gũũka gwake hĩndĩ ya kecrĩ nĩamerire o mbere ũhoro wa mĩikarĩre ya andũ ake kuuma kahinda karĩa akaiyũkio kuuma kũrĩ o nginyagia hĩndĩ ĩrĩa agacoka na ũhoti na riiri nĩ ũndũ wa kũmahonokia. Jesu e kĩrĩma-inĩ kĩa mĩtamayũ nĩonire kĩhuhũkanio kĩrĩa kĩarĩ hakuhĩ kũgwĩra Kanitha wa Atũmwo, na ningĩ akĩrorereria muno ũhoro thĩinĩ wa matukũ marĩa magoka, na woni-inĩ wake akĩrĩkania na kũmenya ũhoro wa kĩhuhũkanio kĩnene kĩrĩa gĩgoka gũthĩĩnia arũmĩrĩri ake hĩndĩ ya mahinda ma nduma. Nĩaririe na ciugo nyinyi cia bata na cia kũmakania akĩratha ũhoro wa ũrĩa aathani a thĩ ĩno mageka Kanitha wa Ngai. No mũhaka arũmĩrĩri a Kristo makinyĩre njĩra o ĩyo ya kũnyihio, kũmenwo na mĩnyamaaro ĩrĩa Mwathani wao agereire. Ũthũ ũrĩa andũ a gũkũ thĩ maarĩ naguo harĩ Mũhonokia wa thĩ, no mũhaka ũkinyĩrĩre arĩa metĩkĩtie rĩĩtwa rĩake o nao.MN 9.1

Maũndũ marĩa Kanitha wa tene wacemanirie nanio nĩmonanirie kũhingio gwa ciugo cia Mwathani. Monene ma thĩ na ma kwa ngoma nĩmeharĩirie kũgiana na Kristo na njĩra ĩyo ya kũnyarira arũmĩrĩri Ake. Andũ arĩa matooĩ Ngai maahoyaga mĩhianano nĩmonire o mbere atĩ ũhoro ũrĩa mwega ũngĩhunja, hekarũ na magongona nĩikũharagana cĩũre. Tondũ wa ũguo ene cio magĩtũmĩra hinya wao wothe mathũkie ndini ya Kristo. Mĩaki ya kĩnyariro nĩ kũhuhĩrũo ya huhĩrirũo. Akristiano makĩrutũrũrũo kuuma kũrĩ indo ciao na makĩingatwo kuuma mĩciĩ yao. Nĩ makirĩrĩirie mbaara nene ya kũnyarirũo. “Angĩ makĩgerio na ũndũ wa gũthekererũo, nakũhũrũo na iboko irĩ njaaga, o na ningĩ na ũndũ wa kuohwo na gũikio korokoro-inĩ” Ahibirania 11:36. Aingĩ mũno mahingirie ũira wao na thakame yao. Andũ anene na ndungata, itonga na athĩĩni, arĩa ogĩ na arĩa mataarĩ ogĩ othe moragirũo hatarĩ ũndũ wa tha.MN 9.2

Kĩo gĩa Shaitani gĩa gũthũũkia Kanitha wa Kristo na hinya gĩatuĩkire o ta tũhũ. Kĩgiano kĩu kĩnene o kĩo arutwo a Jesu merutĩire mĩoyo gĩtiathirire hĩndĩ ĩrĩa arĩa maarĩ chokeku moragirũo. Ha ũhootani nĩ mahootire. Aruti wĩra wa Ngai makĩũragwo na hiũ, no rĩrĩ wĩra Wake wathiire o na mbere. Ũhoro ũrĩa mwega ũgĩkĩrĩria gũtheerema, o na rĩo ithabu rĩa arũmĩrĩri rĩkĩongerereka. Ũhoro nĩwatonyire nginyagia o na icigo iria itaakinyĩkaga, o na ningĩ nginya ciikaro cia monene ma Aroma. Mũkristiano ũmwe oigire atĩrĩ, hĩndĩ ĩrĩa acũranagia na aathani arĩa matooĩ Ngai arĩa maikagĩrĩria kĩnyariro gĩthiĩ o na mbere: Mwahota “gũtũũraga, gũtũhinyĩrĩria, gũtũciirithia. . . . Kwaga kũgĩa na kĩhooto kwanyu nĩkuo ũira wa atĩ tũtirĩ na ihĩtia . . . O na ti atĩ ũmaramari wanyu. . . . wamũhotanĩra”. No rĩrĩ, kĩnyariro kĩu kĩarĩ o ta gĩa gwĩtwo gwa kũrehe angĩ meturanĩre nao thĩinĩ wa ũrũmĩrĩri wao. “O ta ũrĩa mũgũtũtũgũta, no taguo tũgũkĩrfrĩria kũingĩha; thakame Va Akristiano nĩ mbeũ.”MN 10.1

Andũ ngiri nyingĩ makĩohwo korokoro-inĩ na kũũragwo na hiũ; no rĩrĩ, angĩ nĩmoimĩrire makĩiyũria handũ hao. Nao acio mooragirũo nĩ ũndũ wa wĩtĩkio wao nĩmarũmirio kũrĩ Kristo; na magĩtaranĩrio nake gũtuĩka ahootani. Nĩ maarũĩte mbaara ĩrĩa njega, na nĩmerĩgĩrĩire kwamũkĩra thũmbĩ ya ũthingu rĩrĩa Kristo agoka. Mĩnyamaro ĩrĩa momĩrĩirie nĩyarehire Akristiano hakuhĩ na ũrĩa ũngĩ na hakuhĩ mũno na Mũhonokia wao. Ngerekano ya mĩikarĩre yao na ũira wa ikuũ ciao nĩciatũũrire iri ũira wa ũhoro wa ma; na o na harĩa haterigĩriirũo, andũ a Shaitani nĩ matigaga wĩra wake makeiga thĩ ya bendera ya Kristo.MN 11.1